میرے آقا جے در نہ دکھایا تُساں
میرے آقا جے در نہ دکھایا تُساں ہوکے بھر بھر کے مجبور مر جائے گا
ہوئی ایں آپ دی اک نگاہ کرم میرا کاسہ امیداں دا بھر جائے گا
گیت تیرے ہی محبوب گاندا ہاں میں ، تیرے ہر دم قصیدے سناندا ہاں میں
میں قیامت نوں جد نام تیرا لیا ، میرے کولوں جہنم وی ڈر جائے گی
ایس دُنیا دا کی اے بھروسہ شہا ، دیتا دُنیا نے کی اے غماں دے سوا
تیرے ولوں جے ملدا رہوے حوصلہ ، وقت جیہڑا وی آیا گذر جائے گا
میری کشتی نوں ڈر کاہدا طوفان دا ، میں گدا ہاں مدینے دے سُلطان دا
یا محمد محمد جاں دتی صدا ، ڈبدا ڈُبدا سفینہ وی تر جائے گا
کر دے نظر کرم درداں مارے تے ہن ، رحم ہو جاوے اس بے سہارے تے ہن
تیرا جاناں اے کی اے میرے تاجور ، عاصیاں دا مقدر سنور جائے گا
سُن کے صائم دے ہاڑے تے آ سوہنیا، میرے ستے مقدر جگا سوہنیا
تیرے آون تھیں والشمس رُخ والیا ، ہو منور غریباں دا گھر جائے گا