میرے دل دا مالک میرے گھر دا والی
میرے دل دا مالک میرے گھر دا والی
کدے گھر میرے ولے آوے محمد ﷺ
ہاں رو رو کے کردا سدا اِی دُعاواں
کدی آ کے مکھڑا دکھاوے محمد ﷺ
محمد ﷺ دا محکوم عالم اے سارا
سہارا اے عالم دا اوہدا دوارا
کدی ماہ لاہوے اوہ دو ٹکڑے کر کے
کدی رکھ حکموں ٹراوے محمد ﷺ
کرم کملی والے دا ہے حدوں اَگے
ہوا آگ مٹی اہدے آکھے لگے
اوہ کردا اے ٹٹے ہوئے دل اکٹھے
سڑے سُکے رُکھ کردا ساوے محمد ﷺ
کرم اوۃدا دائم ابدا حکم عام اے
اہدا حکم کردا حلال و حرام اے
ہے اسم اوہدے حکماں دا اسلام
سارا حدِ حد گھٹاوے ودھاوے محمد ﷺ
محمد ﷺ ہے مصدر کرم دا عطا دا
محمد ﷺ ہے محرم اِلٰہ العلٰی دا
محمد ﷺ ہی مالک ہے ہر دوسرا دا
دواوے محمد وساوے محمد ﷺ
محمد ﷺ دے صائم دوارے دا سگ اے
اہدا سلسلہ گدائی الگ اے
اہ مڑ مڑ کے اس واسطے ڈگ دا اے
کرم رحم آ کے اٹھاوے محمد ﷺ