میرے دل وچہ غماں دی اَگ بل دی یا رسول الله
میرے دل وچہ غماں دی اَگ بل دی یا رسول الله
مصیبت ایہہ ترے باہجھوں نہیں ٹَلدی یا رسول اللہ
میرے اشکاں نے دتا کھور اے میرا بدن سارا
تے جِند میری پتاسے وانگ گل دی یارسول اللہ
میری امید دی جھولی کدوں بھر پور ہووے گی
ایہہ سب خلقت ترے در توں ہے پل دی یا رسول اللہ
میں کی دساں تُساں نوں حال ہے معلوم سب میرا
ہے جند میری کیویں صدمات جھلدی یا رسول اللہ
دیہو دیدار تے بس ویہندیاں قربان ہو جاساں
ہے میری آرزو اکے ای پل دی یارسول اللہ
غماں نے اس طراں ایں چیریا سینہ تے دل میرا
ہے دو دھاری جِویں تلوار چل دی یارسول اللہ
زیارت کر کے روضے دی میں صائم جان دے دیواں
ہے ہُن تے تاہنگ بس ایسے ای گل دی یا رسول اللہ