میرے ہمدم ناں روؤن توں مینوں ہٹا
میرے ہمدم ناں روؤن توں مینوں ہٹا
اشک پلکاں دے میرے سجے رہن دے
کملی والے نبی دی اے یاد آرہی
اَگے نظراں دے جلوے سجے رہن دے
نُسخے اپنے طبیبا ایہہ رکھ کول توں
ایتھے تھیلا دواواں دا ناں کھول توں
زخم دِلدے امانت نے محبوب دی
پُھل ایہہ زخماں دے سارے سجے رہن دے
اے نقیب آج ناں محفل نوں چھیتی مکا
نعت خوانی دا جاری توں رکھ سلسلہ
پھیرا شاہ مدینہ نے آج پاؤنا
حالی منظر تے رستے سجے رہن دے
چھل دروداں سلاماں دی اوندی رہوے
اکھ وی اتھرو چھما چھم ورھوندی رہوے
دل چ یاداں دے دیوے ہلے رہن دے
لب تے صائم دے نغمے سجے رہن دے