میرے محبوب یکتا ازل توں ایں توں
میرے محبوب یکتا ازل توں ایں توں، کوئی بنیاں نہیں دُوجا تیرے نال دا
کوئی لجپال تیرے جہیا ہورناں، وانگ تیرے نہیں کوئی وی لج پال دا
دن بہ دِن دَرد ہندا اے میرا سوا، ماری جاندا اے مینوں وچھوڑا تیرا
کھول کے دساں میں حال کی سوہنیا، جد کہ واقف ہیں توں میرے احوال دا
آرے دن رات غم دے سی چلدے پئے، میری جھولی چ سارے سی غم پے گئے
یاد محبوب تیری بچاؤندی رہی نام تیرا رہیا مشکلاں ٹال دا
آکھیں جا کے صبا اَج مرے شام نوں کد مٹانا جدائی دے آلام نوں
سُکھاں سُکھدا رہواں تیرے آون دیاں دیوے جا کے مزاراں تے راں بال دا
نعت خواں ہون دا کی میں دعویٰ کراں تیرے مدحت سراواں چ کیویں رلاں
ناں ہاں میں نعت خوانی دا فن جان دا ناں میں واقف ہاں محبوب سُر تال دا
میرے درداں دی صائم دوا ناں کرو میرے ہنجواں دے دھارے ناں ہُن روکیو
اَگ بل پینی سی میرے لوں لوں دیوچ جے ناں درداں نوں ہنجواں دیوچ ڈھالدا