میرے سوہنے محمد دا میلاد اے
میرے سوہنے محمد دا میلاد اے
ذرہ دل آج تے خوشیاں منا لین دیہہ
ہوئی آمداے نبیاں دے سردار دی
پھل ہنجواں دے راہ وچ وچھا لین دیہہ
بزم جہناں دی اے آپ وی آن گے
رحم ساڈے تے سرکار فرمان گے
درد و غم سب دے سب دُور ہو جان گے
کملی والے نوں محفل چہ آ لین دیہہ
دیواں جند جان تیرے توں سب وار میں
تیری آمد توں محبوب بلہار میں
رک تے جا میریا سوہنیا پل دی پل
مینوں فریاد اپنی سنا لین دیہہ
سج گئے سارے گلیاں تے بازار آج
ایتھے اوناں غریباں دے غمخوار آج
میرے محبوب رکھنا ایں اس تے قدم
سیج دل والی مینوں سجا لین دیہہ
لے کے سوہنے نوں جدسی حلیمہ ٹری
دل تے ہتھ رکھ کے سوہنے دی ماں آکھدی
خوش نصیبے توں لے جائیں میرے لال نوں
پل دی پل ہور مینوں کھڈا لین دیہہ
اے حلیمہ توں آوندی تے جاندی رہویں
میرے سوہنے نوں چھیتی ملاندی رہویں
ایہدے ہاسے دا صدقہ اُتارن لئی
ہار ہنجواں دے مینوں بنا لین دیہہ
کیوں منائیے ناں سوہنے دے میلاد نوں
اوہنے اوناں غریباں دی امداد نوں
ایس صائم دے درداں دی فریاد نوں
کملی والے دے روضے تے جا لین دیہہ