میری ہر ایک چیز ہے سرکار آپؐ کی
میری ہر ایک چیز ہے سرکار آپؐ کی
میری یہ ایک جان ہے سو بار آپؐ کی
سارے جہاں پہ آپؐ کی ہے روشنی محیط
سارے جہاں پہ ثبت ہے مہکار آپؐ کی
میری نظر میں آپؐ کی گلیاں بہشت ہیں
میری نظر میں عرش ہے دستار آپؐ کی
ہر وقت مجھ پہ آپؐ کا ہے فرض احترام
رحمت ہے مجھ کو ہر گھڑی درکار آپؐ کی
کس کی زباں میں ایسی محبت بھری مٹھاس
کس کو ملی ہے نرمئ گفتار آپؐ کی
جچتا نہیں ہے اُس کی نظر میں کوئی مقام
دیکھی ہے جس نے عظمتِ دربار آپؐ کی
بے شک وہ مرتبے میں فرشتوں سے کم نہیں
جن کو ملی ہے محفلِ انوار آپؐ کی