مری عزت ترے نال دے سہارے یا رسول اللہﷺ
مری عزت ترے نال دے سہارے یا رسول اللہﷺ
مری کشتی نوں وی لاؤ کنارے یا رسول اللہﷺ
ترے در تے میں سر رکھیاں تے دل دی ایہہ تمنا ایں
نہ ہن مینوں کوئی آواز مارے یا رسول اللہﷺ
قسم رب دی حیاتی میری دا ایخو ای سرمایہ
ترے در تے میں دن جہڑے گزارے یا رسول اللہﷺ
کدی دیدار دے کے ایناں نوں وی شاد کردیوو
ایہہ روندے نین نے کرماں دے مارے یا رسول اللہﷺ
خدا دا فضل اس خوش بخت نوں لبیک کہندا اے
جہڑا اک وار وی دل تھیں پکارے یا رسول اللہﷺ
ترے پروانیاں دی کون گنتی کرسکے آقا
ظہوریؔ جئے کئی پھردے وچارے یا رسول اللہﷺ