مری کشتی نوں ڈبن توں بچا دے یارسول اللہ
مری کشتی نوں ڈبن توں بچا دے یارسول اللہ
طفیل غوثِ اعظم پار لا دے یارسول الله
تیرے سوہنے مدینے دی سدا جو خیر منگدے نے
مدینہ پاک اوہناں نوں دکھا دے یا رسول اللہ
مسلسل وگڑ دی جاندی میری تقدیر مَتھے دی
خُدا دے واسطے ایہنوں بنادے یا رسول اللہ
میں بُھلا ہاں تے بُھل دا جارہیاں ہر موڑ دے اُتوں
مدینے پاک دے رستے تے پادے یارسول اللہ
میں تیرے نام دا ہوکا ناں کیوں تھاں تھاں تے جا دیندا
سدا ٹکڑے تیرے در دے نے کھاہدے یا رسول اللہ
دنوں دن جاوندی ودھ دی اے حیرانی پریشانی
پریشانی دے ویلے ہُن مُکا دے یا رسول اللہ
سگ دربارِ طیبہ دی لگا کے مُہر صائم نے
ازل توں ہین گل پائے قلادے یا رسول اللہ