مِل جاوے جے چج حضوروں
مِل جاوے جے چج حضوروں
ازلی نور دی جھلک وکھاواں
اپنی کل توں چانن لے کے
بھلک دے متّھے نوں لشکاواں
گاون ملک ترانے اوہدے
خدمت گار زمانے اوہدے
چاکر اوہدے چن تے سورج
نوکر اہدیاں دُھپّاں چھاواں
ہر مسلے دا اُس حل دسیا
سبھ نوں جیون دا ول دسیا
اوہدے حکماں اُتّے چل کے
مَیں آدم دا مان ودھاواں
پُھل کِھڑے نیں خُلق نبیؐ دے
آسے پاسے چار چو فیرے
اپنے سُنّجے ویہڑے نوں مَیں
کیوں نہ فِر گلزار بناواں
حق سچ والے امبراں اُتّے
جگ مگ کردے قول اوسے دے
عدل و انصاف دی دُنیا اندر
سبھ توں اُچّا اوہدا ناواں
ذکر اوہدا جند جان اے میری
ایہو جان پچھان اے میری
ایہودُعا اے تائبؔ جگ توں
ذکر ایہو ای کردا جاواں