مل پیندا اے دلبر جس ویلے لوں لوں وچہ عشق سما جاندا
مل پیندا اے دلبر جس ویلے لوں لوں وچہ عشق سما جاندا
جد دل دا صاف مکان ہووے گھر والا آپے آجاند
اوتھے نور خُدا دا ورھدا اے اوتھے عرش وی سجدے کردا اے
محبوب میرا جس گھر دے وچ اک واری پھیرا پا جاندا
آمستیاں جان ہواواں وچہ رچ مہکاں جان فضاواں وچ
گلشن وچ سوہنا اک واری جد زُلفاں نوں لہرا جاندا
جیہڑا جان سجن توں وار دوے جو جان دی بازی ہار دوے
کدی موت کولوں اوہ نہیں مردا مل ایسا جام بقا جاندا
لکھ ترلے منتاں پوندا رہو سو واری نیر بہاؤندا رہو
اوہ اگ نہیں بجھ دی ہنجواں تھیں جیہڑے بھانبھڑ عشق مچا جاندا
چھڈ کھیڑا یار طبیباں دا کردا رہو ذکر حبیباں دا
جد سب حداں نوں توڑ دوے بن اودوں درد دوا جاندا
کی کھاناں تے کی پیناں ایں مرمر کے صائم جیناں ایں
فیر کھاون پیون بُھل جاندا جد غم سجناں دا کھا جاندا