میلاد ہے آج سرکاراں دا، سب درداں مارے ہس پئے نیں
میلاد ہے آج سرکاراں دا، سب درداں مارے ہس پئے نیں
اَج دائی پاک حلیمہ دے، اُجڑے ہوئے ڈھارے وس پئے نیں
لکھ وار مبارک سب آکھو ، آج آمنہ پاک منزہ نُوں
آج بدل رب دی رحمت دے، آجہدے دوارے وس پئے نیں
گھر آمنہ پاک دا سجیا اے ، جہدے ناں دا نقارا وجیا اے
انوار خُدا دے جس اُتے ، سارے دے سارے وس پئے نیں
اُج آ گیا نُور من اللہ اے ، ہر پاسے نور تجلیّٰ اے
انج لگدا نور دے بدلاں چوں ، انوار دے تارے وس پئے نیں
آج آگیا حامی ماڑیاں دا ، آج آگیا شاہ سُلطاناں دا
سب کُلیاں جُھگیاں وس پئیاں، سب محل منارے وس پئے نیں
جو یار دی بزم سجاندے نے ، اِک مِک سارے ہو جاندے نے
محبوب دی برکت تھیں صائم ، سب ہولے بھارے وس پئے نیں