محمد مصطفے آئے فضاواں مسکراپیاں
محمد مصطفے آئے فضاواں مسکراپیاں
گھٹاواں نور برساون ہواواں مُسکراپیاں
ولادت ہندیاں سوہنے نے جد سجدے چہ سر رکھیا
خطاکاراں نوں چین آیا خطاواں مُسکراپیاں
جتھوں جتھوں دی لنگھدی جاوندی ڈاچی حلیمہ دی
اوہ راہواں بن گیاں جنت اوہ تھاواں مسکراپیاں
تبسم آمنہ دے لال نے جس وقت فرمایا
ازل دیاں ساریاں رنگیں اداواں مُسکراپیاں
خلیل اللہ دے خواباں دی ہوئی تعبیر آج پوری
جو رو رو منگیاں سن اوہ دعاواں مُسکراپیاں
دعا دے واسطے صائم جدوں سوہنے نے ہاتھ چائے
خدا دیاں رحمتاں بن کے گھٹاواں مسکراپیاں