محمد رسول خُدا آگئے نیں
محمد رسول خُدا آگئے نیں
رسولاں دے دل دی دُعا آگئے نیں
ستارے فلک اُتوں جھک جھک زمیں ول
نبی اُتوں ہوون فدا آگئے نیں
صدا دتی ملکاں نے تڑکے دے ویلے
مبارک نبی مصطفیٰ آگئے نیں
سی جبریل نے آکے اعلان کیتا
زمانے دے حاجت روا آگئے نیں
بھری آمنہ دی سی جھولی خُدا نے
ملک کر دے اوہدی ثناء آگئے نیں
جہناں بدلے دُنیا سی رب نے بنائی
اوہ دنیا تے خیر الوریٰ آگئے نیں
حلیماں دی کُلی نوں رب بھاگ لائے
جہدے گھر شہ دوسرا آگئے نیں
کوئی رہنی مشکل نہیں صائم کسے دی
جہاناں دے مشکل گشا آگئے نیں