نہ نیر وگایاں بن دی اے نہ درد سنایاں بن دی اے
نہ نیر وگایاں بن دی اے نہ درد سنایاں بن دی اے
اللہ دیا سوہنیا محبوبا گل تیرے بنایاں بن دی اے
محشر وِچ سارے رو رو کے محبوبِ خدا نوں آکھن گے
اج بگڑی قسمت ساریاں دی سرکار دے آیاں بن دی اے
طیبہ دے سفر دیاں راہیاں نوں بھُل جان نظارے دُنیا دے
اکھیاں دی عید تے روضے دا دیدار کرایاں بن دی اے
شبیرؓ دے خون نے کربل دی مٹی نوں ایہہ فرمایا سی
حق سچ دی عزت سجدے وچ اج سیس کٹایاں بن دی اے
اس رنگ برنگی دنیا تے کدھرے نہ ہو رنظر آوے
جہڑی رونق کملی والے دے دربار تے جایاں بن دی اے
جس دن دا ظہوریؔ ویکھ لیا دربار محمدؐ عربی دا
دل وچ تصویر مدینے دی ہن نعت سنایاں بن دی اے