ناں گل منکر دی منیاں کرو ناں فتویاں کولوں ڈریا کرو
ناں گل منکر دی منیاں کرو ناں فتویاں کولوں ڈریا کرو
سوہنے دیاں نعتاں پڑھیا کرو سوہنے دیاں گلاں کریا کرو
روضے دے دوالے گُھمدے رہوو، ناں سُن کے انگوٹھے چُمدے رہوو
جس گل وچ ذکر نہیں سوہنے دا اُس گل تے کن ناں دھریا کرو
یا" نبی نوں کہناں شرک نہیں، جالی چُم لیناں شرک نہیں
گستاخ نبی دا ہر طعنہ ، شیراں دے وانگوں جریا کرو
کَم حشر نوں اوسے اوناں ایں، اوسے نے آن چھڈاؤ ناں ایں
غیراں تے لعنت پا چھڈو دم یار سجن دا بھریا کرو
اس نفس نون کلا چھڈیو ناں ، مُرشد دا پلا چھڈیو ناں
پَیراں نوں چُمناں سجدہ نہیں ، سر یار دی قدمیں دھریا کرو
بِن عشقوں کجھ وہی لبھناں نہیں گل کسے وی صائم پھبناں نہیں
ڈُبن دیو ڈبن والے نوں نہیں عشق دے بحر چ تریا کرو