نبی نال لاونیاں جے سچیاں توں یاریاں
نبی نال لاونیاں جے سچیاں توں یاریاں
بند کرلویں چناں اَکھاں دیاں باریاں
نبی دا اے عشق اوندا جنہاں دے وی سینے وچ
بھاویں رہن ایتھے دل اوہناں دے مدینے وچ
رکھ دے مدینے دیاں سدا اوہ تیاریاں
نبی نال لاؤنیاں جے سچیاں توں یاریاں
طیبہ وچ ہر پاسے مصطفے دا نور اے
کاہدا اوہدا جینا جہڑا طیبہ کولوں دور اے
طیبہ وچ اللہ دیاں نعمتاں نے ساریاں
نبی نال لاؤنیاں جے سچیاں توں یاریاں
رہندا اے مدینے وچ والی سارے جگ دا
نام جہدا عاشقاں نوں میٹھا میٹھا لگ دا
اوہنوں نبی منیاں اے نوریاں تے ناریاں
نبی نال لاؤنیاں جے سچیاں توں یاریاں
میرے سوہنے نبی نال جگ سارا وسدا
نام اوہدا لے کے پُھل باغ وچ ہسدا
اوہنوں نبی منیاں اے نوریاں تے ناریاں
نبی نال لاؤنیاں جے سچیاں توں یاریاں
دتا ہندا جنہاں تائیں زر اللہ پاک نے
لائے ہندے جنہاں تائیں پر اللہ پاک نے
طیبہ وچ پہنچ جاندے مار کے اڈاریاں
نبی نال لاؤنیاں جے سچیاں توں یاریاں
صائم اُتے سوہنیا نگاہواں پاک پاؤناں
روضے اُتے عاجز و غریب نوں بلاؤناں
ہجر وچ جھلیاں مصیبتاں نے بھاریاں
نبی نال لاؤنیاں جے سچیاں توں یاریاں