نبی سارے ای شاناں والے نے محبوب دی مثل ناں کوئی اے
نبی سارے ای شاناں والے نے محبوب دی مثل ناں کوئی اے
حد ہر اک ناز تے خوبی دی محبوب میرے تے ہوئی اے
اُس دل دا شان نرالا اے ، جس دِل وچ کملی والا اے
اُس اُکھ دا چانن وکھرا اے ، جیہڑی یاد اوہدی وچ روئی اے
جد تک ناں بلال اذان پڑھی ، دن چڑھن ناں دتا سوہنے نے
میرے آقا وانگ غلاماں دی ، دسو کس کرنی دل جوئی اے
جیہڑا منگتا اے کملی والے دا ، اوہدی شاہی اے سلطاناں تے
جیہڑا منکر اے کملی والے دا ، اوہنوں کِتے ناں ملنی ڈھوئی اے
ایہہ ہار نے سب صلواتاں دے ، ایہہ گجرے ہیں دُروداں دے
چُن موتی عشق محمد دے ، جو صائم لڑی پروئی اے