نئیں اَونا نہیں آیا میری سرکار جیہا
نئیں اَونا نہیں آیا میری سرکار جیہا
نئیں رب نے ہور بنایا کوئی اپنے یار جیہا
ربّ نے جہان دیاں لیکھاں نوں سنواریا
آمنہ دی گود چن اپنا اُتاریا
نئیں چانن چن پایا جیہدی چمکار جیہا
نئیں ہونا نئیں آیا میری سرکار جیہا
رہ گئی حلیمہ بھاویں دائیاں نالوں کلّی سی
رب دیاں رحمتاں تھیں جھولی بھر چلی سی
ہے ملیا جنہوں سرمایا نبی مختار جيہا
نئیں اَونا نئیں آیا میری سرکار جیہا
بن کے یتیماں دا قرار سوہنا آیا اے
لے کے سارے جگ لئی پیار سوہنا آیا اے
کنہے دلاں تے وار چلایا میرے دلدار جیہا
نئیں اونا نئیں آیا میری سرکار جیہا
برکتاں تے رحمتاں نے پھیرا آن پایا اے
لگدا اے انج جیویں سوہنا ایتھے آیا اے
محفل تے جو چھایا اے کیف خمار جیہا
نئیں اونا نئیں آیا میری سرکار جیہا
آمنہ حلیماں تائیں رو کے ایہہ سنایا اے
دستاں تینوں کیویں! تیری جھولی چن پایا اے
ہس کے جہنے ہلایا دل دا تار جیہا
نئیں اونا نئیں آیا مری سرکار جیہا
سوہنا میرا عاصیاں نوں بَری کری جاندا اے
ساریاں سوالیاں دی جھولی بھری جاندا اے
گل صائم وی اے لایا اوگنہار جیہا
نئیں اونا نئیں آیا میری سرکار جیہا