نمونہ عمل کا حیاتی ہے اُن کی
نمونہ عمل کا حیاتی ہے اُن کی
سبق سچا سیرت سکھاتی ہے اُن کی
چلیں قافلے جب مدینے کی جانب
بہت یاد ہم کو رُلاتی ہے اُن کی
تسلی درودوں سے ملتی ہے بے حد
اگر یاد ہم کو ستاتی ہے اُن کی
ہے یادِ محمّد کا احسان ہم پر
یہ سینوں میں اُلفت بڑھاتی ہے اُن کی
لحد ، جس میں کوئی بھی یاور نہ ہوگا
محبّت وہاں کام آتی ہے اُن کی
دو عالم کے رب نے کہا ان کو رحمت
سو رحمت بھی کُل کائناتی ہے اُن کی
جہاں تک نہ پہنچا تصور کسی کا
وہاں بے شبہ ذات جاتی ہے اُن کی
صحابہ ہمیشہ ہی سرشار رہتے
کہ صُورت دلوں کو لُبھاتی ہے اُن کی
جگر چھلنی کرتی ہے لمحہ بہ لمحہ
جُدائی جو اندر سے کھاتی ہے اُن کی
کرو خدمتِ خَلق ، راضی خُدا ہو
حدیثِ مبارک بتاتی ہے اُن کی
جلیل ان کی سیرت نے جینا سکھایا
نظر سیدھا رستہ دکھاتی ہے اُن کی