نظر آتے ہیں ہر ذرّے میں نظّارے مُحمّد کے
قمر میں شمس میں ہر گُل میں ہیں جلوے مُحمّد کے
گنہ گار و ہمارا ہے تعلّق دو کریموں سے
نہ رکھو خوف محشر کا اِشارے ہیں مُحمّد کے
مُسلمانو چلو رل مِل کے اپنی جھولیاں بھر لو
نِچھاور ہو رہی ہیں رحمتیں صدقے مُحمّد کے
نہ دولت کی ‘ نہ شاہی کی ‘ نہ حوروں کی طلب مجھ کو
نہ لوں ساری خدائی بھی عوض پیارے مُحمّد کے
اگرچہ خوار ہیں ، بدکار ہیں ، سِیہ کار عاصِی ہیں
مگر کچھ غم نہیں ہم کو ، کہ ہیں بندے مُحمّد کے
شاعر کا نام :- نامعلوم