نظر دا فرش وچھاؤ حضور آئے نیں
نظر دا فرش وچھاؤ حضور آئے نیں
دِلاں دی سیج سجاؤ حضور آئے نیں
ستارے بن کے چمک جاؤ پلکاں تے اشکو
تسیں وی خوشیاں مناؤ حضور آئے نیں
نبی دی نعت دے ہر تھاں ترانے چھیڑ دیو
کرو وی رقص ہواؤ حضور آئے نیں
نبی دی زُلف سیہ توں میں واراں قدر دی رات
سنبھل کے رہنا گھٹاؤ حضور آئے نیں
جھکا کے نظر عقیدت اوہدی سلامی وچ
کھڑے ہو سارے ای جاؤ حضور آئے نیں
بنا کے ہار سلاماں اتے دروداں دے
بصد نیاز لیاؤ حضور آئے نیں
دیو جے رُوحِ رضا نوں پیام صائم دا
قصیده نور بناؤ حضور آئے نیں