اوہدے کول دکھاں دا حل اے
اوہدے کول دکھاں دا حل اے
کرم اہدے دی ساری گل اے
اوہدا اسم محمد عام اے اوہدی حمد دوام دوام اے
اوہ مٹھے کر دا سَل اے اوہدے کول دکھاں دا حل اے
اوہدا گھر اللہ دا گھر اے اوہدا در الله دا در اے
اوہدا اللہ اوہدے ول اے اوہدے کول دکھاں داحل اے
اوہدا اسم اللہ دے اسموں اوہدا علم اللہ دے علموں
اوہدی گل اللہ دی گل اے اوہدے کول دُکھاں داحل اے
اہدا کرم وی لا محدود اے اوہ حماد اے اوہ محمود اے
اہدا دل اللہ دا محل اے اوہدے کول دکھاں دا حل اے
اوہ موسیٰ دا وی طور اے اوہدے کول کمال سرور اے
دُکھ صائم کردا ول اے اوہدے کول دکھاں دا حل اے