اوہنا دا عشق سلامت اے مقبول اوہناں دیاں باتاں نیں
اوہنا دا عشق سلامت اے مقبول اوہناں دیاں باتاں نیں
کملی والے دی یاد اندر جنہاں دیاں لنگھ دیاں راتاں نیں
سرکار دی محفل کیا کہنے جس ویلے آپ دا ذکر چھڑے
پئی گونج درود سلاماں دی ایہہ نور دیاں سوغاتاں نیں
محبوب دی محفل تے رل کے بدلاں نیں آن صلاح کیتی
چلو ہور اگیرے چل وسیئے ایتھے ہنجواں دیاں برساتاں نیں
زلف و رخسار دا ذکر کرے کہیڑا سرکار دا ذکر کرے
ایتھے بڑیاں بڑیاں لکھاریاں نیں بھَن چھڈیاں قلم دواتاں نیں
نہ چھیڑ کسے چُپ کیتے نوں کولوں دی لنگھ جا چُپ کرکے
ایناں دیاں وکھریاں رسماں نیں ایناں دیاں وکھریاں ذاتاں نیں
کیہہ پچھنا ایں یار ظہوریؔ نوں دو حرفی گل مکا دیواں
اوہدا تک لینا لکھ عیداں نیں مِل پینا لکھ شبراتاں نیں