اوتھے سر عاشق سرکار دا خم ہندا اے
اوتھے سر عاشق سرکار دا خم ہندا اے
جتھے سرکارِ مدینہ دا قدم ہندا اے
خُون ڈُھلدا جو شہیداں دا اے دھرتی اُتے
ایہہ تے افسانہ محبت دا رقم ہندا اے
جو فدا ہندا اے سرکار دے قدماں اتوں
اوس دا نام سر لوح و قلم ہندا اے
سارے عالم چ ابدی مثل نہیں ملدی کدھرے
جناں آقا دے مدینے چ کرم ہندا اے
درد مہجور مدینہ دا مدینے جا کے
ہور ودھ جاندا اے دو گھڑیاں جے کم ہندا اے
ساہ کیویں اُچا لیا جاوے مدینے اندر
جان وچ جان تے ناں دم چ ہی دم ہندا اے
کس طراں آوے خوشی طیبہ چ جا کے صائم
ہر گھڑی جد کہ وچھڑ جان دا غم ہندا اے