رگِ جاں ذکرِ احمد سے بہت سرشار ہوتی ہے
رگِ جاں ذکرِ احمد سے بہت سرشار ہوتی ہے
میں بھیجوں جب درود ان پر تو پُر انوار ہوتی ہے
کبھی جو کچھ بھی مانگا ہے سخی حسنین کے صدقے
کرم ہر بار ہوتا ہے عطا ہر بار ہوتی ہے
جو کرتے ہیں محبت مصطفیٰ کی آل سے ہر دم
تو ان پر ہر گھڑی پھر رحمتِ غفار ہوتی ہے
نظر کے سامنے رہتا ہے روضہ شاہِ بطحا کا
مقدر سے نگاہِ سیدِ ابرار ہوتی ہے
بسی ہے ناز کے دل میں محبت کملی والے کی
نہ ہو ان کی ولا تو زندگی بے کار ہوتی ہے