راہی طیبہ دا بُرا بھاویں بھلا ہندا اے
راہی طیبہ دا بُرا بھاویں بھلا ہندا اے
سب تے آقا دا کرم اکو جہیا ہندا اے
اوندا متھے تے ندامت دا اے مڑھکا جس دم
سجدہ اودوں ای حقیقت چ ادا ہندا اے
ویکھ دوجے تے کرم ہندا ناں کھولیں لب نوں
اوتھے جے گل وی کرئیے تے گِلہ ہندا اے
حشر وچ اوس نوں ہتھ لاؤندے فرشتے ناہیں
جو گنہگار ابدی زیر ردا ہندا اے
جو نبی پاک دے ہے عشق چ فانی ہویا
اوہو باقی اے تے اوہو ای بقا ہندا اے
کیویں دیوانہ محمد دا سنے گا تیری
اوہ تے سرکار دی محفل چ گیا ہندا اے
اوہو تحریر ہاں قرطاس تے کردا صائم
شعر مینوں جو مدینے چوں عطا ہندا اے