رکھ کے سب دا بھرم کملی والے
رکھ کے سب دا بھرم کملی والے
کر دے کر دے کرم کملی والے
میرے دل تے بنادے کرم تھیں
اپنا نقش قدم کملی والے
ہونا تیری نظر دا اشارا
میرا بن جاناں کم کملی والے
تیری رحمت تیرے دم قدم تھیں
دم چ آوندا اے دم کملی والے
تیرا سوہنا تے مٹھڑا مدینہ
میرے دل دا حرم کملی والے
کوئی تیتھوں نہیں ودھ کے پیارا
مینوں تیری قسم کملی والے
منگتا صائم تیرے منگتیاں دا
توں ہیں شاہ امم کملی والے