رحمت دا خزانہ ایں دربار مُحمد دا
رحمت دا خزانہ ایں دربار مُحمد دا
جنت توں سہانا ایں دربار مُحمد دا
جو عاصی وی آجاوے اُس واسطے بن جاندا
بخشش دا بہانہ ایں دربار مُحمد دا
سُلطاناں دے سر جُھکدے شاہاں دی جُھکے گردن
دربار شہانہ ایں دربار مُحمد دا
زینت اے زمیناں دی برکت اے جہاناں دی
تزئین زمانہ ایں دربار مُحمد دا
دربار محمد دا ہر جان چ وسدا اے
ہر لب دا ترانہ ایں دربار مُحمد دا
جھلے نہ جنہوں کوئی بن جاوندا اُسدا وی
دُنیا چ ٹھکانہ ایں دربار مُحمد دا
لنگھ عمر گئی صائم پیغام اُڈیک دیاں
کہ مولا دکھانا ایں دربار مُحمد دا