رحمتِ حق سایہ گُستر دیکھنا اور سوچنا
رحمتِ حق سایہ گُستر دیکھنا اور سوچنا
اِک نظر شہرِ پیمبرؐ دیکھنا اور سوچنا
کس قدر روشن ہیں انساں کے لیے صدیوں کے رنگ
واد ی ء طابہ کے منظر دیکھنا اور سوچنا
اس کے ہوتے کس اُجالے کی ہے دنیا کو تلاش
سبز گنبد کو برابر دیکھنا اور سوچنا
سنگ بھی مہکے ہیں کیسی نکہتِ انفاس ہے
دیر تک محراب و منّبر دیکھنا اور سوچنا
عاصیوں کو اُن کی چشمِ لطف رکھتی ہے عزیز
پیہم اپنا دامنِ تر دیکھنا اور سوچنا
نرہتِ بُستانِ سلماں ، عظمت ِ صحنِ قبا
پاس جاکر، سرجھکا کر دیکھنا اور سوچنا
ارضِ بدر، آثارِ خندق ، دامنِ کوہِ اُحد
ہر قدم پر شانِ داور دیکھنااور سوچنا