!روضہ احمدِؐ مختار دکھا دے یارب

!روضہ احمدِؐ مختار دکھا دے یارب

!بلبلِ زار کو گل زار دکھا دے یارب

---

جن کے دیدار سے ملتا ہے دل و جاں کو سکوں

!وہ حرم وہ در و دیوار دکھا دے یارب

---

آرزو جس کی تصور کو بھی مہکاتی ہے

!وہ حسیں شہر بس اک بار دکھا دے یارب

---

حسرت ِ دید میں جلتی ہوئی آنکھوں پہ کرم

!گنبدِ سبز کے انوار دکھا دے یارب

---

اپنی رحمت سے کبھی تائب ِ عاصی کو نواز

!اپنے محبوبؐ کا دربار دکھا دے یارب

!روضہ احمدِؐ مختار دکھا دے یارب