سب انبیاء دے قائد و سالار آگئے
سب انبیاء دے قائد و سالار آگئے
مالک دے سارے ملک دے مُختار آگئے
اک دم جو ساری بزم وچ پھیلی اے روشنی
محسوس ہندا بزم وچ سرکار آگئے
سوہنے نبی دا جس گھڑی دربار سج گیا
جبریل بن کے خادم دربار آگئے
سمجھیں در حبیب توں خیرات مل گئی
اکھیاں چ اتھرو جس گھڑی دو چار آگئے
جھولی دِلاں دی عاشقو سارے وچھا لوو
اللہ دے پیارے دلبر و دلدار آگئے
صائم غماں نے چا لئے ڈیرے جہان توں
رحمت دا مینہ وساوندے غمخوار آگئے