صبا جاویں مدینے نوں میرے دل دی صدا بن کے
صبا جاویں مدینے نوں میرے دل دی صدا بن کے
میرے محبوب نوں آکھیں سراپا التجا بن کے
کہویں اے نازدارا ، شہسوارا ، رب دے مہماناں
حسیناں ، مہ جبیناں ، نازنیناں ، پاک سلطاناں
کدی آجا میرے درداں دے زخماں دی دوا بن کے
بلندی اے میری ایہو تے ایہو آبرو میری
تمن آخری ایہو تے ایہو آرزو میری
میں آواں در تیرے تے زائراں دی خاک پا بن کے
جے دیکھاں اپنے عملاں نوں تے آقا کچھ نہیں پلے
تری رحمت دے ول ویکھاں تے جاپن سب گنہ تھلے
تیری رحمت گناہاں نوں اُڈا دیندی ہوا بن کے
نرالی اے زمانے توں تیری ہر شان محبوبا
تیرا صائم تیرے صدقے تیرے قُربان محبوبا
میں سب کچھ پا لیا آقا ترا مدحت سرا بن کے