سجدے جبیں جبیں ہیں دعائیں زباں زباں
سجدے جبیں جبیں ہیں دعائیں زباں زباں
سوئے حرم چلے ہیں مسافر کشاں کشاں
احساسِ معصیت سے ہے لرزاں بدن بدن
اور چشم شرمسار ہے آنسو رواں رواں
طے ہورہی ہے راہِ طلب یوں قدم قد م
شاداں عیاں عیاں ہیں پشیماں نہاں نہاں
جوئے فلک فلک ہیں ‘ اجالے فضا فضا
چمکا ہے آفتاب رسالت کہاں کہاں
پھوٹی وہیں وہیں سے تجلی کرن کرن
لوحِ جبینِ پاک جھکی ہے جہاں جہاں
مانو تو ہر صدائے موذن ہے اک پیام
سمجھو تو ہے ندائے محمد ﷺ اذاں اذاں
گزرے جو ہم مدینے کی گلیوں سے یوں لگا
خوشبو چمن چمن ہے ‘ بہاریں جناں جناں
بیٹھا ہے آستانے پہ اقباؔل گو خموش
برپا ہے دل میں ایک تلاطم نہاں نہاں