سارے آلام دی اِکو ای دوائی کر لو
سارے آلام دی اِکو ای دوائی کر لو
آؤ لوگو ! در احمد دی گدائی کر لو
دُور کر کر کے دُوئی والی اِہ دُوری ساری
اوہدے در آکے مٹو مٹ کے اکائی کر لو
سرد ہاواں دی سدا کولوں ہواواں لے کے
اگ اِس دل دی سگوں ہور سوائی کر لو
اسم اوہدا اے محمد وی مدح ای اوہدی
کہہ کے احمد وى اُہدى مدح سرائی کر لو
أسوة احمد مرسل ہی عمل دی راہ اے
مَل کے راہ ماہی دی اَگے دی کمائی کر لو
دور ہے در وی اُہدا راه وی اوکھی صائم
اِس گھڑی اوس دی آمد دى دُعا اى كرلو