سرورِ دو جہاں کو ہمارا سلام
سرورِ دو جہاں کو ہمارا سلام
شاہِ کون ومکاں کو ہمارا سلام
راحتِ عاشقاں کو ہمارا سلام
وجہِ تسکینِ جاں کو ہمارا سلام
جِن کےدرکے گدا ہیں سبھی تاجور
تاجدارِ زماں کو ہمارا سلام
ختم جن پر نبوت کا ہے سِلسلہ
خاتِمِ مُرسلاں کو ہمارا سلام
فضلِ رب سےہُوئے لامکاں کی مکیں
صاحبِ عِزّ و شاں کو ہمارا سلام
بے بسوں غمزدوں کے ہیں وہ چارہ گر
حامیٔ بے کساں کو ہمارا سلام
اُن کے اصحاب پر اُن کی اولاد پر
اُن کے اہلِ مکاں کو ہمارا سلام
خوب مدحت کہی اُن کی حسان نے
شاہ کے نعت خواں کو ہمارا سلام
دم میں جب تک ہے دم تم یہ مرزا کہو
شافعِ عاصیاں کو ہمارا سلام