سوالی تیرے نیں خاکی تے نوری یا رسول اللہ
سوالی تیرے نیں خاکی تے نوری یا رسول اللہ
تُسی کردے او سب دی آس پوری یا رسول اللہ
ترے قدماں دے تیکر پہنچنا معراج ہے میری
ہے تیری حاضری میری حضوری یا رسول الله
مین رو رو منگدا رہنا تیرے دربار دی قربت
خدارا کر دیو ہن دُور دُوری یا رسول اللہ
تیرے دربار عالی دے فقیراں دی گداواں دی
نہیں رہندی آرزو کوئی ادھوری یا رسول اللہ
کسے عاقل تے بالغ تے سیانے دی نہیں گل ایتھے
تیری تعریف ہووے لاشعوری یا رسول اللہ
ترا ناں لیندیاں انج رقص کردا قلب صائم دا
جویں نچدے سی بُلھے شاہ قصوری یا رسول اللہ