شہنشاہ شرم و حیا آپؐ ہیں
شہنشاہ شرم و حیا آپؐ ہیں
شہنشاہ شرم و حیا آپؐ ہیں
ابوالانبیا کی دعا آپؐ ہیں
عطا کی ہے جس نے ہمیں روشنی
وہ سورج ابھرتا ہوا آپؐ ہیں
کوئی آپ جیسا جہاں میں نہیں
فقط خاتم الانبیا آپؐ ہیں
خدا تو خدا ہے بعد از خدا
ہر اک حُسن کی انتہا آپؐ ہیں
ارے جس کا چہرہ ہے عرشِ بریں
وہ مہتابِ خیر الوریٰ آپؐ ہیں
دو عالم عقیدت سے جھکنے لگے
کہ محبوبِ ارض و سما آپؐ ہیں
دو عالم کے سب باسیوں کے لیے
خدا کی خصوصی عطا آپؐ ہیں