شرماؤندے او کیوں طیبہ دی سرکار توں منگدے
شرماؤندے او کیوں طیبہ دی سرکار توں منگدے
جد سارے نبی نبیاں دے سردار توں منگدے
فاروق دی عظمت نوں گھٹا کیویں سکیں گا
سرکار جنہوں آپ نے ستار توں منگدے
چل دیکھ گداواں تے فقیراں چہ کھلو کے
شہ میرے شہنشاہ دے دربار توں منگدے
خورشید ،ضیاء ، بجلی چمک ، بارشاں بدل
سرکار دے رُخسار دی چمکار توں منگدے
جس غار چ صدیق شفا ڈنگ توں سی پائی
بیمار شفا آج وی نے اُس غار توں منگدے
مہکاؤندی گلاباں نوں سدا جس دی اے خُوشبو
تارے نے چمک زُلف دی اُس تار توں منگدے
معراج دی شب راہ چ نبی سارے کھلو کے
انوار سی براق دے اسوار توں منگدے
دیندا اے خدا اوہناں نے سب کھول خزانے
جھولی نوں وِچھا کے جو اہدے یار توں منگدے
اکھ منگی قتادہ نے تے جنت وی ملی سی
مل جاندا جے کچھ ہور وی غم خوار توں منگدے
اوہناں نوں کدی کُجھ وی نہ اللہ توں اے ملناں
صائم جو نئیں قاسم و مختار توں منگدے