شوقِ طیبہ میں بے قرار ہے دل
شوقِ طیبہ میں بے قرار ہے دل
گُنبدِ سبز پر نثار ہے دل
اِس پہ فُرقت کی ہے خزاں چھائی
شاہ سے طالبِ بہار ہے دل
مجھ کو بُلوائیے مدینے میں
غم کی رکھتا نہیں سہارہے دل
اُن کی یادوں سے جو مزیّن ہو
نوری نوری ہے باوقار ہے دل
چھوڑ سب کُچھ درِ رسول پہ چل
مجھ سے کہتا یہ بار بار ہے دل
چشمِ رحمت ہو تو نکھر جائے
جُرمِ عصیاں سے داغ دار ہے دل
بائیں جانب ہے مرقدِ آقا
اِس لئے کہ یہی مزار ہے دل
اِس کو سلطانِ جسم کہتے ہیں
رب کی رحمت کا شاہکار ہے دل
قلبِ مرزا میں آئیے آقا
کب سے یہ محوِ انتظار ہے دل