سوہنا نبی سوہنی سوہنی شان والا آگیا
سوہنا نبی سوہنی سوہنی شان والا آگیا
جگ دیاں بیڑیاں تران والا آگیا
جہدے لئی مکان سارے رب نے بنائے نے
سوہنا اوہ مکان لامکان والا آگیا
سُن لئی اے رب سَچے آج گنہگاراں دی
عاصیاں نوں سینے نال لان والا آگیا
جگ والا کاروبار فیر ٹُر پیناں ایں
رُکھاں نوں زمین تے ٹُران والا آگیا
تاہیوں تے ایہہ گلیاں بازار سجے ہوئے نے
سوہنا میرا محفلاں سجان والا آگیا
رب دیاں رحمتاں دا مینہ پیا وسدا
سوہنا میرا جگ نوں وسان والا آگیا
صائم آج پے گیا اے مُل گنہگاراں دا
گنہگاراں تائیں بخشان والا آگیا