سوہنیاں دا سردار مدینے والا اے
سوہنیاں دا سردار مدینے والا اے
نبیاں دا سالار مدینے والا اے
غم دنیا دا ساڈے کول کی رہنا ایں
جد ساڈا غمخوار مدینے والا اے
نوریاں دا سردار ہی رہ گیا سدرہ تے
جاندا عرشوں پار مدینے والا اے
ڈگیاں ڈھٹھیاں تے ٹھکرایاں ہویاں دا
یار تے حامی کار مدینے والا اے
سب دا ظاہر حال مدینے والے تے
سب دی لیندا سار مدینے والا اے
کنڈیاں اُتے نظر کرم دی جے پاوے
کر دیندا گلزار مدینے والا اے
صائم جد وی کشتی ڈولن لگدی اے
لوندا مینوں پار مدینے والا اے