تیرگی دل کی مٹائیں گے ضیا ڈھونڈیں گے
تیرگی دل کی مٹائیں گے ضیا ڈھونڈیں گے
’’آپؐ کی سیرتِ اطہر سے ضیا ڈھونڈیں گے‘‘
حبِّ احمدؐ کے زمانے میں جلائیں گے چراغ
لوگ دیکھیں گے کہ ہم کیسے ضیا ڈھونڈیں گے
عہدِ حاضر کے اجالے سبھی نکلیں گے فریب
ہو کے سرکارؐ دو عالم کے ضیا ڈھونڈیں گے
ایک اک کر کے سمٹ جائے گی سب تیرہ شبی
انؐ کے اسوہ سے جو ہم سارے ضیا ڈھونڈیں گے
انؐ کی دہلیز پہ جس وقت جبیں رکھوں گا
عمر بھر کے یہ مرے سجدے ضیا ڈھونڈیں گے
میرے وجدان میں اترے گی حضوری جس دم
سب مصاریعِ حسیں میرے ضیا ڈھونڈیں گے
عرضِ مدحت کا جنوں کام مرے آئے گا
میرے افکار مدینے سے ضیا ڈھونڈیں گے
دونوں عالم کی بقا انؐ کے ہے دم سے طاہرؔ
انؐ کی ہم زیست کے لمحوں سے ضیا ڈھونڈیں گے