تری عظمت کے سُورج کو زوال آیا نہیں اب تک
تری عظمت کے سُورج کو زوال آیا نہیں اب تک
کسی کے ذہن میں ایسا خیال آیا نہیں اب تک
کروڑوں لوگ آئے اور آ کے چل دیے لیکن
ترے جیسا کوئی مرد کمال آیا نہیں اب تک
بہت گرد و غبار اُٹھتا رہا تاریخ میں تاہم
تری بابت کوئی کمتر سوال آیا نہیں اب تک
تراشی ہے خدا نے کتنی چاہت سے تریؐ قامت
ترؐا ثانی کوئی مردِ جمال آیا نہیں اب تک
تُو دانائے سُبل، ختم الرسلؐ، مولائے گُل ٹھہرا
ترے جیسا زمیں پر خوش خصال آیا نہیں اب تک
کوئی تنقید کر سکتا نہیں تیری رسالت پر
کسی بھی سمت سے حرفِ مجال آیا نہیں اب تک
ترے ؐجیسے عظیم انسان کی چاہت ہے سینوں میں
زمیں کی پشت پر قحط الرّجال آیا نہیں اب تک