تری خوشبو توں سب مہکن فضاواں یا رسول اللہ
تری خوشبو توں سب مہکن فضاواں یا رسول اللہ
ترے دم نال نیں ٹھنڈیاں ہواواں یا رسول اللہ
میں کجھ وی نئیں جے تیرے نال میری کوئی نسبت نہ
میں سب کجھ ہاں جے میں تیرا سداواں یا رسول اللہ
جنہاں نیں تیریاں قدماں نوں سینے نال لایا اے
نصیباں والیاں ہویاں اوہ تھاواں یا رسول اللہ
مدینے آکے ایخو رات دن میری عبادت اے
تیرے روضے توں نہ اکھیاں ہٹاواں یا رسول اللہ
اجل دے آون توں پہلاں جے تیرے دید ہوجائے
میں ایسی موت توں قربان جاواں یا رسول اللہ
کویں سوز آشنا تحریر ہوجائے ظہوریؔ دی
قلم جامیؔؒ دا میں کتھوں لیاواں یا رسول اللہ