ودھ کے شاہاں توں مدینے دا گدا ہندا اے
ٹکٹ جنت دا مدینے چوں عطا ہندا اے
کھلے رکھدا اے سدا بوہے مدینے والا
فیض سرکار دا سبھناں تے سدا ہندا اے
ڈگدے دیوانے تے مستانے جاں بیخود ہو کے
سجدہ سرکار دی چوکھٹ تے ادا ہندا اے
جد نظر پیندی اے آقا دے ہرے گنبد تے
باغ آساں تے امیداں دا ہرا ہندا اے
جو میرے آقا دی ہے زُلف دا قیدی بن دا
دین تے دنیا دے ہر غم توں رہا ہندا اے
کون کہندا اے نبی پاک توں اوہلے ہاں میں
جد کے آقا نوں غلاماں دا پتہ ہندا اے
دیکھ لے سوہنے نوں جے رب نوں ایں تکناں صائم
ایہدے دیدار چوں دیدارِ خدا ہندا اے
شاعر کا نام :- علامہ صائم چشتی
کتاب کا نام :- کلیات صائم چشتی