وقتی کہ شوم محوِ ثنائے شہِ لولاک
وقتی کہ شوم محوِ ثنائے شہِ لولاک
سیراب کند کشت دلم دیدۂ نم ناک
در طوفِ تجلی گہِ انوارِ رُخِ پاک
ہر لحظہ عجب رقص کند طائرِ ادراک
اے صاحبِ لولاکؐ
والطف و عنایات کا در آج کی شب ہے
ہوں محوِ ثنا و صفتِ سرورِ ذیشاں
ہے عالم وجداں میں عجب طور سے رقصاں
از ذوقِ صریرِ قلمم گنبدِ افلاک
اے صاحبِ لولاکؐ
کونین کے دولہا کا گزر آج کی شب ہے
اک نور سے معمور فضا عرش تلک ہے
گیسوئے شبِ تار میں عنبر کی مہک ہے
پہنی ہے ثریّا نے ستاروں بھری پوشاک
اے صاحبِ لولاکؐ
وہ رحمتِ کُل محوِ سفر آج کی شب ہے
رہبر ہے نہ رہوار ہے نے رختِ سفر ہے
پھیلا ہُوا اک دائرہء دامِ اثر ہے
ہے گردِ سفر میں تری گُم گردشِ افلاک
اے صاحبِ لولاکؐ
امت کے گناہوں پہ نظر آج کی شب ہے
پاتے ہیں نوید آج شفاعت کی گنہگار
بخشش کو گنہگاروں کی اے سیدِ ابراؐر
رحمت نے تری دامنِ یزداں کو کیا چاک
اے صاحبِ لولاکؐ
قوسین کی منزل کا سفر آج کی شب ہے
ہے زیرِ قدم عرشِ معلیٰ کی جبیں بھی
رضواں کو تعجب ہے تو جبریلِ امیں بھی
آئینۂ حیرت ہے سرِ گنبدِ افلاک
اے صاحبِ لولاکؐ