وطیرہ آپ کا آقا ! کرم کی انتہا کرنا
وطیرہ آپ کا آقا ! کرم کی انتہا کرنا
سدا گُم کردہ راہوں کو شمولِ قافلہ کرنا
خُدا نے سب عطاؤں کا بنایا ہے تُجھے قاسم !
سو منگتوں کا ہے کام آقا ! ترے در پر صدا کرنا
گناہوں کےسمندر کی تلاطم خیز موجوں میں
مری اِس ڈولتی کشتی کو ساحل آشنا کرنا
مساکیں سے محبّت کی ہے مولا سے دُعا مانگی
ہمیں یہ حکم فرمایا ، غریبوں سے بھلا کرنا
سُنا ہے حُکمِ جَاءُوکَ، کہ بخشش ہے ترے در پر
مُجھے بھی قیدِ عصیاں سے خُدارا اب رِہا کرنا
گُناہوں کے سبب آقاْ ! یہ اُمّت جب پریشاں ہو
سرِ محشر غُلاموں پر ، کرم کرنا سخا کرنا