وہ نورِ جاں افق آرا ہوا ہے
وہ نورِ جاں افق آرا ہوا ہے
ہر اک غنچہ ثنا پیرا ہوا ہے
اُتر آیا ہے کیسا موسمِ گل
بہاراں آشنا صحرا ہوا ہے
منڈیر اپنی ہے روشن جس کے اوپر
دیا اُس نام کا رکھا ہوا ہے
محبِ انس و جاں کی ہے محبت
وہ جس سے میرا دل پگھلا ہوا ہے
جدا کعبےسے ہوتے ہیں محمدؐ
یہ منظر آنکھ میں ٹھیرا ہوا ہے
رفیقِ ثور کو پا کر پریشاں
پئے تسکیں کوئی گویا ہوا ہے
تکے جاتی ہے اس کو امِّ معبد
جو مہتاب اس کے گھر اترا ہوا ہے
ثنیہ سےاُدھر کچھ بچیوں نے
خوشی کا زمزمہ چھیڑا ہوا ہے
مدینے میں ہے کس کا خیر مقدم
ہر اک نے بابِ دل کھولا ہوا ہے
مرے سرکارؐ ہی کے دم قدم سے
مزاجِ زندگی بدلا ہوا ہے
انہی کا خوانِ رحمت ہے جو تائبؔ
افق سے افق تا افق پھیلا ہوا ہے