یارب الفت سرور دے
یارب الفت سرور دے
روح کے اندر باہر دے
سارے فرائض پورے ہوں
وہ ایمانی جوہر دے
ہم بھی مدینہ دیکھ سکیں
اللہ ایسا مقدر دے
اپنے حبیب کے دامن میں
یارب ہم کو محشر دے
پل سے گزریں جب یا رب
روحِ امیں کا شہپر دے
حق کے لیے جو کٹ جائے
یارب ہم کو وہ سر دے
خوش ہوجائیں سب بندے
داتا جھولی بھر بھر دے
صدقہء احمد میں مولیٰ
علم و عمل کی چادر دے
اے رب کے محبوبِ کریم
اپنی الفت جی بھر دے
آقا اپنے پیاسوں کو
ساغر ساغر کوثر دے
یارب میری قبر میں تُو
گنبدِ سبز کا منظر دے
قادری مستی چھا جائے
وہ بغدادی ساغر دے
اے آقا طیبہ والے
نظمی کو حسّاں کر دے